منتدى التحكم الآلي والإلكترونيات
مرحبا بك عزيزي الزائر يشرفنا أن تقوم بالدخول إذا كنت من الأعضاء أو التسجيل إذا كنت زائرا ويمكنك إنشاء حسابك ببساطة ويمكنك التفعيل عن طريق البريد أو الانتظار قليلا حتى تقوم الإدارة بالتفعيل
منتدى التحكم الآلي والإلكترونيات

Automatic control , PLC , Electronics , HMI , Machine technology development , Arabic & Islamic topics , Management studies and more
 
الرئيسيةالبوابة*مكتبة الصوراليوميةس .و .جبحـثالتسجيلقائمة الاعضاءالمجموعاتدخول

شاطر | 
 

 لغة الفرانكو ارب ..............الموضوع خطير انقلة لكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمـــــــــد بشـــير
فريق أول
فريق أول


عدد الرسائل : 4006
العمر : 66
العمل/الترفيه : مدير جودة
تاريخ التسجيل : 04/03/2008

مُساهمةموضوع: لغة الفرانكو ارب ..............الموضوع خطير انقلة لكم   الجمعة 30 أكتوبر 2009 - 11:31

لغة الفرانكو ارب (franco arab)
بسم الرحمن الرحيم
الموضوع ده كان بداية لجروب عملته على الفيس بوك وحبيت اشاركم بيه هنا كمان عشان الاستفاده تعم واللي يحب يشارك في الموضوع على الفيس بوك فده لينك الجروب :
http://www.facebook.com/topic.php?ui...d=172212321069

-طبعا يا جماعه كلو ملاحظ ان فيه لغة جديده انتشرت بين مستخدمي الانترنت اللي هيا الفرانكو ارب وطبعا كتير منكم بيكتب باللغه دي وكمان بيستخدمها في حياته العمليه ومش على النت وبس ..وعلى النقيض في ناس منكم مش بتكتب باللغه دي ولما بيقراوها بيبقو عاملين كانهم بيفكوا شفره معقده او بيتعلموا القراءه من اول وجديد .
وحبيت في اول الموضوع احكلكم ايه حكاية الفرانكو ارب ده وظهر ازاي بما انها بقت لغه منتشره وبنكتب بيها كتير

طبعا فيه ناس كتير فاكره ان اللغه دي موضه جديده طلعت وانها ما بقالهاش اكتر من كام سنه وخلاص لكن في الحقيقه يا جماعه ان اول ظهور للنوع ده من اللغات ظهر من ايام احلال الفرنجه (الفرنسيين) للاندلس وايام محاكم التفتيش الاوروبيه....طبعا كانت الاندلس مليانه مسلمين بعد ما احتلها الاسبان
دا غير الناس اللذين هاجروا الى المغرب والى الاراضي العربيه....
بس كانوا بيتعاملوا بقسوه شديده جدا من قبل محاكم التفتيش...في البدايه اخدوا المصاحف ومنعوا الصلاه في المساجد وبعدين عملوا حاجه خطيره جدا.....
ايه هي الحاجه دي؟


خلوا الناس تتكلم عربي عادي بس خلوهم يكتبوا اللغه العربيه بحروف لاتيني
اللى احنا عارفينه بالفرانكو اراب الان
وللاسف فضلو يضيقوا عليهم جدا لحد ما طلع منهم جيل ميعرفوش هما مسلمين ولا مش مسلمين
والناس دول كان اسمهم الموريسكيين او اختصارا" المور"



ظهر ناس كتير مؤييدين للفكرة دى ومن ابرزهم
القاضي الانجليزي "ويلمور" وهو مستشرق مشهور
وكانت له دعوه بجعل "لغه الخطاب هي لغه الكتاب" يعني العاميه تكون هي لغه الكتابه والعلم


وظهر فى القرن العشرين بعض المثقفين
قالوا ان الحرف اللاتيني اصلح من الحرف العربي شكلا وموضوعا وقالوا انه من الافضل اننا نبدل الحرف اللاتيني بدلا من الحرف العربي في كتابتنا


ومن ابرزهم الشاعر اللبنانى سعيد عقل
الشاعر ده
كتب ديوان اسمه "يارا" بالفرانكو في بيروت
بس ازاي...ده في حروف في العربيه ليس لها بديل في اللغه اللاتينيه!!

ايوه ...هو كتب في المقدمه الحروف التي سيستخدمها وضاف من عنده كام حرف كدا عشان يغطي قصور الحرف اللاتيني...والنتيجه ان ابجديته صار فيها اكثر من ثلاثين حرف...
بس الديوان فشل ولم يلاقى نجاح

طب وبعدين: االلي حصل ان اللغه اختفت عن الانظار مده كبيره جدا لحد من فتره بدات تظهر تاني والسبب اللي خلاها تتولد من جديد هما العرب اللي بيسافرو للبلاد الاجنبيه وكتير منهم طبعا كان بيستخدم الانترنت كوسيلة اتصال بس كان فيه مشكله...المشكله ان الكيبورد هناك مش بالعربي !!ده انجليزي بس ..طب والحل ايه قالو نستعمل لغة الفرانكو ارب نكتب بالحروف اللاتينيه (الانجليزيه) بس بنطق عربي ومن هنا ظهر الفرانكو ارب من تاني..طبعا كتير منهم بيكلمو ناس هنا في بلاد عربيه والناس دي عجبتهم اوي الفكره هما كمان او اتعودو عيها فبقو يكتبو بيها هما كمان وطبعا احنا العرب نحب جد نقلد بعض في اي ظاهره جديده تظهر مش مهم نعرف اصلها ومش مهم يكون ليها هدف او سبب المهم نقلد وخلاص وانتشرت لغة الفرانكو ارب من العرب مستخدمي الانترنت في البلاد الاجنبيه الى وطننا العربي

طب ايه هيا الفرانكو ارب وازاي بتتكتب ؟؟
هو بكل بساطة مكس بين العربى والانجليزى
هتقولى يعنى ايه مكس
هقولك يعنى بناخد الحروف الانجليزى والنطق من العربى ونعمل منهم الفرانكو
او بمعنى ابسط اننا بنكتب الكلمات العربى زى ما بننطقها بس بالحروف الانجليزى

2 = همزة مثل كلمة سؤال تكتب so2al و كلمة سبأ تكتب saba2
3 = ع ويمكن كتابة حرف غ بالشكل التالي '3
6 = ط
7 = ح
5 = خ ويمكن أن تكتب '7
8 = ق
9 = ص
أما ما عدا ذلك فيكتب بتغيير الحرف العربي بمقابل من اللاتيني. وفي ما يلي الأبجدية العربية مع مقابل كل حرف:
ا = a
ب = b
ت = t
ث = 't كما ويمكن استعمال الثاء الانكلزيية المركبه th
ج = j
ح = 7
خ = 5 أو '7
د = d
ذ = 'd
ر = r
ز = z
س = s
ش = ^s ويمكن ان تكتب sh
ص = 9 أو S مع مراعاة الحالة الكبيرة للحرف اللاتيني
ض = '9 أو ممكن ان تكتب D مع مراعاة الحالة الكبيرة للحرف اللاتيني
ط = 6
ظ = '6 أو ممكن Z مع مراعاة الحالة الكبيرة للحرف اللاتين
ع = 3
غ = '3 أو ممكن أن تكتب gh
ف = f
ق = 8 أو ممكن أن تكتب q
ك = k
ل = l
م = m
ن = n
ه = h
و = w كما تستعمل o أو حتى u وذلك حسب قوة الواو في الكلمة
ي = i وفي حالة الياء الخفيفة يستخدم e وفي حالة وقوعها في نهاية العبارة يستخدم Y

وساعات بيكتبوا
خ ---> 7'
غ ---> 3'
ودي بعض الامثله
2lab>>>>>كلمة قلب بنكتبها كده
3amel eih>>>>>عامل ايه بنكتبها كده

وادى انتشار اللغة دى بين الشباب ان بعض الكتاب بدؤا يكتبوا بيها علشان يوصلوا بسرعة للشاب
منهم الكاتب الشاب عمر طاهر صاحب كتاب شكلها باظت
وكتاب كابتن مصر اللى استخدم فيه من الناحية الشكلية
كان بيستخدم في كتابة الفصول أسلوب الشباب في كتابة العربي بحروف إنجليزية، وهي المتعارف عليها بينهم باسم (الفرانكو آراب



كأن يكتب "إزاي تعرف إنك مراهق (Ezay t3raf Ennak Morahek)
وهي طريقة تبدو أنها تقربه من الفئة المستهدفة للكتاب، فئة المراهقين.

وكمان اخر حاجه طلعت ان شركة مايكرو سوفت عملت برنامج يحول الكتابه من عربي لفرانكو ارب (عشان لو مش بتعرف تكتب فرانكو وعايز تتكلم فرانكو) والعكس برضو وكمان جوجل عملت نفس الكلام مترجم عشان يحول ما بين المستخدمين وكمان ممكن تستخدمو على الماسنجر على طول يعني تكتب عادي جدا وتبعت تروحله فرانكو (حاجه زي الفل)وانا ححطلكم فيديو حتلاقوه في فيديوهات الجروب وموجود فيه شرح البرنامج وامكانياته وكل اللي نفسكو فيه

بس انا في الاخر احب اطرح سؤال عليكم وعايز اجابات واقعيه منكم :هل انتو شايفين اننا كعرب المفروض نكتب بلغه زي دي وهل ده شئ عادي ما يضرناش كعرب ومسلمين ..وهل اتجاه جوجل ومايكروسوفت والشركات العالميه دي انها تسهلنا كمان الموضوع ده بالبرامج والحاجات دي وتشجيعنا على اللغه دي طبيعي ؟؟
هو ده اللي عايز اعرف رايكم فيه بصراحه شديده وعايز الناس اللي بتكتب باللغه دي يتكلمو ويقولو رايهم عادي لان الموضوع ده مش هجوم على حد او على لغه دي مناقشه ليها هدف واتمنى انها تكون مناقشه بناءه
ومعلش لو طولت عليكم ..

ملحوظه :بعض اجزاء الموضوع ده من كتابتي والبعض مجمع ومنقول من مواضيع اخرى)للامانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمود فيصل صبره
رقيب أول
رقيب أول


عدد الرسائل : 34
العمر : 43
الموقع : مصر
العمل/الترفيه : اعمال لوحات كنترول
تاريخ التسجيل : 30/12/2008

مُساهمةموضوع: رد: لغة الفرانكو ارب ..............الموضوع خطير انقلة لكم   الجمعة 22 أكتوبر 2010 - 8:41

اخي الحبيب اتفق معك ان الموضوع جاد وخطير لان :-"القران الكريم و هو الكتاب المقدس لدي المسلمين نزل بلسان عربي مبين (اي انه باستبدال الحروف العربيه بالحروف الاجنيه اننا مع مر الايام لانستطيع قراة ما كتب بالحروف العربيه وبالتالي لانستطيع القران الكريم ولا نفهمه ونعتبره من اساطير الاولين)اخي الحبيب يجب ان يكون عندنا انتماء الى لغتنا العربيه التي هي اصل اللغات والتى لا تكاد اي لغه معروفه او غير معروفة تخلومن كلمة او اكثر منهااخي يجب ان يكون عندنا انتماء للامه العربيه والاسلاميه التي نحن منها لكي تشفي من امراضها التى دبت وتوطنت فيها بسبب جهلنا بعظمه تلك الامه وانها كانت المصباح المنير الدى انار لدول الغربيه حضرتها واطفانه بايدينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mone1
مساعد أول
مساعد أول


عدد الرسائل : 63
تاريخ التسجيل : 12/06/2008

مُساهمةموضوع: رد: لغة الفرانكو ارب ..............الموضوع خطير انقلة لكم   السبت 23 أكتوبر 2010 - 4:39

السلام عليكم
انا بجد لما حد بيكتبلى باللغة ديه بتنرفز لانى باخد وقت طويل عشان اعرف افسر الكلام
واللى يضايق اكتر ان الكيبورد عندهم فيه عربى
انا رجحت انهم بيكتبوا لسببين الاول انهم اتعودوا على الحروف الانجليزى
او انهم بيدوا نفسهم ""برستيج""
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mone1
مساعد أول
مساعد أول


عدد الرسائل : 63
تاريخ التسجيل : 12/06/2008

مُساهمةموضوع: رد: لغة الفرانكو ارب ..............الموضوع خطير انقلة لكم   السبت 23 أكتوبر 2010 - 5:13

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لغة الفرانكو ارب ..............الموضوع خطير انقلة لكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى التحكم الآلي والإلكترونيات :: المنتديات العامة :: منتدى مواضيع عامة-
انتقل الى: